3.04.2017

At və eşşək ətini niyə yemək olmaz? – XƏBƏRDARLIQ

“At və eşşək ətləri insanlara “qara yara” xəstəliyi yoluxdura bilər”.

METBUAT.info xəbər verir ki, bunu AzNews.az-a açıqlamasında professor Aqil Qeybulla bildirib.

Onun sözlərinə görə, insanlar at və eşşək ətlərini yedikdə mənşəyi bilinməyən infeksiyalar asanlıqla orqanizmə daxil olur:

“Qara yara, vərəm və s. xəstəliklər bu ətlərdən istifadə zamanı yaranır. Lap heyvanlar sağlam da olsa, insanlar onun ətindən qidalana bilməz”.

A.Qeybulla at və ya eşşək ətlərinin Azərbaycanda istifadəsinin mümkünsüz olduğunu vurğulayıb: “Bu, qanun pozuntusudur. Bu ətlərin satışına rəsmi şəkildə icazə verilməyib. Onun satışa çıxarılması qadağandır.

Ola bilər ki, dönərxana, kolbasa sexlərində at və eşşək ətindən istifadə olunur. Belə faktlar aşkarlanarsa, həmin şəxslər məsuliyyətə cəlb olunmalıdır”.