14.03.2017

Türkiyə Niderlanddan ATƏT, AŞ və BMT-yə şikayət edəcək

Türkiyə diplomatik qalmaqalın fonunda Niderlandla bağlı üç beynəlxalq təşkilata – BMT, ATƏT və Avropa Şurasına şikayət etməyə hazırlaşır.

METBUAT.info / oxu.az xəbər verir ki, bu barədə diplomatik mənbələrə istinadən Hürriyet Daily News qəzeti məlumat verir.

Nəşrin mənbəsinin məlumatına görə, Türkiyə bu beynəlxalq qurumlara müraciət etməyə hazırlaşır, belə ki, türk hakimiyyətinin fikrincə, Niderland diplomatik münasibətlərə dair Vyana konvensiyasını pozub.

Daha öncə Türkiyədə aprelin 16-da keçiriləcək referenduma dair bu ölkədə olan Türkiyə vətəndaşlarına məlumat vermək üçün Rotterdamda mitinqdə iştirak etmək istəyən Türkiyənin XİN rəhbəri Mövlud Çavuşoğlunun olduğu təyyarə Niderlanda buraxılmamışdı.